Тыдзень роднай мовы “Як ты дорага мне, мая родная мова!”

Дата: 23 сентября 2022 в 13:56, Обновлено 24 сентября 2022 в 09:21

Автор: Бельская Л. В.

158 просмотров

З 19 па 23 верасня 2022 года ў краіне праходзіць Тыдзень роднай
мовы “Як ты дорага мне, мая родная мова!”.

Вараніноўская базавая школа далучылася да святкавання Тыдня роднай мовы, які прайшоў пад дэвізам: “Як ты дорага мне, мая родная мова!” Праграма тыдня была цікавай і займальнай. Вучні розных класаў з захапленнем удзельнічалі ў гульні “Размаўляем па-беларуску”, віктарыне “Падарожжа па роднай зямлі”, у конкурсах эрудытаў “Знаўцы народных традыцый” і “Самы шчыры беларус”, турніры знаўцаў. Яны не толькі гаварылі па-беларуску, а і думалі, разважалі, тварылі.Напрыканцы святочнага тыдня адбылася гульня КВЗ “Любі, шануй, ведай роднае слова.”Кожны з ўдзельнікаў імкнуўся стаць лепшым беларусазнаўцам ці знатаком роднай мовы.

У нашым рознакаляровым і рознагалосым свеце налічваецца больш за шэсць тысяч моў. Адны з іх вабяць сваёй прыгажосцю і непаўторнасцю, другія - мілагучнасцю. Але ў кожнага чалавека ёсць толькі адна мова, якую ён лічыць роднай. Менавіта на гэтай мове ён размаўляе з сябрамі, знаёмымі, сваякамі. Менавіта яна для яго найпрыгажэйшая, наймілагучнейшая. Менавіта яна ззяе шматлікімі фарбамі, здзіўляе шматгалоссем.
3 легендаў і казак былых пакаленняў,
3 калосся цяжкога жытоў і пшаніц,
3 сузор’яў і сонечных цёплых праменняў,
3 грымучага ззяння бурлівых крыніц,
3 птушынага шчэбету, шуму дубровы,
I з гора, і з радасці, і з усяго
Таго, што лягло назаўсёды ў аснову
Святыні народа, бяссмерця яго, -
Ты выткана, дзіўная родная мова.
М. Танк.
Такія словы знайшоў для раскрыцця шматграннасці роднай беларускай мовы Максім Танк.
Для многіх з нас, як і для паэта, беларуская мова - родная.

У школе быў праведзены турнір знаўцаў. Цiмафей Калядоў склаў прыгожы верш пра родную мову. Iншыя вучнi адказвалi на пытаннi, згадвалi прыказкi, перакладалi з рускай мовы на беларускую.

Скончылi турнір, прысвечаны роднай мовы, радкамі з твора “10 запаведзяў” Віктара Шведа:

Мову родную беражы.
Мовай роднаю даражы.
Мову родную шануй.
Мовай роднай не гандлюй.
Мову родную любі.
Мовы роднай не кідай.
Мову дзецям перадай.
Мовы не аддай на здзек.
Толькі з ёю жыцця век.